Башҡортостан һәм Татарстандың атҡаҙанған артисы Вәсилә Фәттахова арабыҙҙан китеп барҙы. Вәсилә Фәттахова Белорет ҡалаһында тыуған. Учалыла вокал класы буйынса музыкаль училищены тамамлағандан һуң, 1999 йылда Өфө дәүләт сәнғәт академияһына уҡырға инә. Ошо уҡ йылда Айҙар Ғәлимов төркөмөндә йырлай башлай. Вәсилә Фәттәховаға ,,Тыуған яҡ” йыры ҙур танылыу килтерә. Ул декабрҙә 35 йәшен билдәләгән булған.