Башҡортостандың бер нисә дәүләт театрҙарына һәм концерт ойошмаларына яңы директорҙар тәғәйенләнде. Кисә республиканың Мәҙәниәт министрлығында уҙған конкурстың һөҙөмтәләре иғлан ителде.

Хәҙер Арыҫлан Мөбәрәков исемендәге Сибай башҡорт драма театрын – Әбдрәшитов Илнур Риза улы, Туймазы дәүләт татар драма театрын – Вәхитов Руслан Рәфис улы, Нефтекама дәүләт филармонияһын Ғайсин Ринат Рәшит улы етәкләй.

Хөсәйен Әхмәтов исемендәге Башҡорт дәүләт филармонияһы (директоры – Зөбәйҙуллин Айҙар Хизбулла улы), Стәрлетамаҡ Рус драма театры (Замесина Виктория Александровна), Республика халыҡ ижады үҙәге (Әлибәков Артур Айҙар улы) директорҙары үҙ урындарын һаҡлап ҡалды.