,,Кино уҡыйбыҙ” девизы аҫтында ойошторолған сарала төбәктең дәүләт һәм муниципаль китапханалары ҡатнаша. Әхмәтзәки Вәлиди исемендәге Милли китапханаға килеүселәрҙе бөгөн билдәле яҙыусы, тәнҡитсе Игорь Савельев менән осрашыу көтә. Баш ҡаланың һуҡырҙар өсөн китапханала Рәсәй киноһы йылына арналған күргәҙмә эшләй, компьютер оҫталығы буйынса онлайн- консультациялар уҙғарыла.