Мәҙәниәт министрлығынан хәбәр итеүҙәренсә, акцияла 140-ҡа яҡын дәүләт, муниципаль, шәхси музей һәм галерея ҡатнашты. Өфөлә байрам саралары Почта музейында башланды. Бында акцияға арналған мисәт сығарылды. Артабан баш ҡалалағы дүрт мәҙәниәт учреждениеһы – Милли, Хәрби дан, Нестеров һәм Мәжит Ғафури музейҙарында “Фильмды эҙләп йый” тигән квест-уйыны ойошторолдо. Башҡортостандағы башҡа музейҙарҙа ла күргәҙмәләр асылды, интерактив экскурсиялар ойошторолдо, мауыҡтырғыс уйындар уҙғарылды.