Республика халыҡ ижады үҙәге хәбәр итеүенсә “Тере һүҙ” исемле йәштәр араһында нәфис һүҙ оҫталығы конкурсы иғлан ителде.
Ярышта 15 йәштән алып 35-кә тиклем егеттәр һәм ҡыҙҙар ҡатнашыу мөмкинлегенә эйә. Конурс Ғаилә йылына бағышланып уҙғарыла. Бәйге шарттары буйынса, әсәй, атай, бәхетле баласаҡ, ғаилә ҡиммәттәренә бәйле шиғырҙар һөйләргә кәрәк буласаҡ. Шулай уҡ билдәле шағир әҫәрҙәре менән бер рәттән үҙең ижад иткән шиғырҙарҙы ла тәҡдим итергә була. Бәйгелә ҡатнашыу өсөн ғаризаларҙы Республика халыҡ ижады үҙәгенә 14 февралгә тиклем тапшрырға кәрәк.