Башҡортостан ҡалаларында open air форматында асыҡ һауала йәйге концерттар уҙғарыла.

Туймазы ҡалаһында үҙәк ҡала мәҙәниәт һәм ял паркындағы амфитеатрҙа асыҡ һауала концерттар һәр йома уҙғарылып тора.

Яҡшы музыканы һәм сағыу бейеүҙәрҙе яратыусылар өсөн инеү бушлай. Үҙенең сығыштары менән ҡала халҡын иң яҡшы ижади коллективтар һәм йырсылар ҡыуандыра. Шулай уҡ Ҡасаба-ара үҙәк китапханаһы ойошторған йәйге уҡыу залы эшләй. Ағас күләгәһе аҫтында уңайлы урынлашып, яратҡан китабыңды уҡырға йәки төрлө викториналарҙа һәм конкурстарҙа ҡатнашырға мөмкин, тип хәбәр иттеләр муниципалитет хакимиәтендә.