Башҡортостан Республикала яңы фильм өстөндә эш башланды. «Шағир көндәлеге» тип аталған фильмын режиссер Булат Йосопов төшөрә. Кинотаҫма башҡорт шағиры Рәми Ғарипов тураһында була.
Сценарий авторҙары – Таңсулпан Бабичева һәм Гөлсәсәк Саламатова. Ижади төркөм шағирҙың балалары Гөлнара, Азамат Ғариповтар, шулай уҡ тарихсылар һәм архив хеҙмәткәрҙәре менән фекер алыша.
Режиссер итеүнсә, артистар һайланған, тиҙҙән репетициялар башлана. Фильмды октябрь башында төшөрә башлау күҙаллана. Күренештәрҙең 70 процентҡа яҡыны ҡыш миҙгеленә тура килә, бер нисәһе тирә-йүн йәшелләнгәс төшөрөлә.
«Беренсе Республика» трилогияһы шағир Бабичтың яҙмышы менән башланып, Ғариповтың яҙмышы менән тамамлана. Бында туранан-тура логика бар. Шағирҙар, уларҙың шиғриәте халыҡтың күңелен сағылдыра, тиҙәр. Фильмдың мөһимлеген иҫәпкә алып, халыҡтың проектҡа булышлыҡ итеренә өмөтләнәбеҙ. Ниндәй ярҙам кәрәклеге һәм беҙгә нисек ярҙам итергә мөмкинлеге тураһында тиҙҙән хәбәр итербеҙ», - ти Булат Йосопов.
Фильмда ваҡиғалар ҡышҡы айҙарҙа бара. Фильм Өфөлә һәм Салауат районында төшөрөлә, шулай уҡ Мәскәү, Ташкент һәм Түбәнге Новгород манзаралары ла була.