Башҡортостан Республикаһының Милли әҙәбиәт музей хеҙмәткәрҙәре әҙәби экспедиция менән Мәскәү ҡалаһына барып ҡайтты. Төп маҡсаттарҙың береһе - баш ҡалала ғүмер һәм ижад иткән яҙыусыларҙың тормошона бәйле экспонаттар менән музей фондын байытыу.
Музей хеҙмәткәрҙәре республикабыҙҙың халыҡ яҙыусыһы, фронтовик Талха Ғиниәтуллин менән осрашты, Әхиәр Хәҡимовтың фатирында булды. Фондҡа яңы материалдар, ҡулъяҙмалар, фотографиялар, китаптар тапшырылды, яҙыусыларҙың китаптары һәм шәхси әйберҙәре менән байытылды.
“Яҙыусыларҙың башҡорт әҙәбиәтен үҫтереүгә , милләт ара мөнәсәбәттәрҙе нығытыуға тос өлөш индереүҙәре музей өсөн баһалап бөткөһөҙ әһәмиәтле ҡиммәткә эйә. Мәҫәлән, Әхиәр Хәкимовтың әҫәрҙәре урыҫ теленә тәржемә ителгән, украин, ҡаҙаҡ, таджик, төркмән, азебайджан, татар һәм эстон телдәрендә баҫылып сыҡҡан. Болгария, Венгрия, Чехославакия, Франция илдәрендә нәшер ителгән. Талха Ғиниәтуллиндың «Непогодь» повесы һәм и «Туннель» романы немец һәм инглиз телдәренә тәржемә ителеп Германия һәм Америкала айырым китап булып сыҡҡан. “Страх” повесы күп европа телдәренә тәржемә ителгән”, ти музей хеҙмәткәрҙәре.

Гүзәл Багаева

Сығанаҡ: https://culture.bashkortostan.ru/presscenter/news/432501/