Күренекле шағир, Башҡортостандың атҡаҙанған мәҙәниәт хеҙмәткәре, Шәһит Хоҙайбирҙин, Зәйнәб Биишева, Фәтих Кәрим исемендәге премиялар лауреаты Рәмил Йәнбәк башҡорт шиғриәте һәм матбуғаты тарихында яҡты эҙ ҡалдырған шәхес. 

Видеоконкурстың маҡсаты:
Башҡорт теленә, башҡорт һүҙенә һәм шиғри һүҙ сәнғәтенә һөйөү тәрбиәләү;
Рәмил Йәнбәктең ижадын мәңгеләштереү һәм халыҡҡа таратыу;
Шиғыр һөйләүселәр араһында таланттарҙы асыҡлау.

Шарттары:
Рәмил Йәнбәктең  бер шиғырын ятларға һәм тасуири уҡып видеоға төшөрөп, “Ағиҙел” журналының төркөмөнә “предложить новость” тигән урынға йәки 89177858098 номеры буйынса телеграмда ебәрергә кәрәк.

Ҡатнашыусыларҙың йәше сикләнмәй.
Музыкаль йәһәттән биҙәлгән композицион сюжетлы видеоларға бер аҙ өҫтөнлөк бирелһә лә, төп шарт булып шиғырҙың йөрәген “аңлап”, тыңлаусы-уҡыусыға еткереү маһирлығы ҡала.