Бәләбәй районында Рәсәйҙең атҡаҙанған артисы Мәҙхиә Әхмәтйәнованың тыуыуына 100 йыл тулыуҙы билдәләргә әҙерләнәләр.
Башҡорт йырсыһы Бәләбәй районы Туҙлыкыуыш ауылында донъяға килгән. 2 айлыҡ сағында әсәйһеҙ ҡала. Сабый олатаһы һәм өләсәһе ғаиләһендә тәрбиәләнә. Бәләкәйҙән йыр-моңға ғашиҡ була ул, матур йырлай, ауыл сәхнәһендә сығыш яһай. Уның һәләтен күреп, уҡырға саҡыралар. Бик талантлы артист үҙенсәлекле тауышлы опера йырсыһы дәрәжәһенә күтәрелә. 1957 йылда Мәскәүҙә үткән Башҡортостан көндәрендә Рәсәйҙең атҡаҙанған йырсыһы исеме бирелә.
Хәтер кисәһе 24 ноябрь көндөҙгө 12 сәғәттә Туҙлыкыуыш ауылының мәҙәниәт һарайында үтә.