Рөстәм Хәмитов: «Илебеҙ халҡы күп тапҡыр, берҙәмлек күрһәтеп, уны дошмандарҙан ҡотҡарған»

Рөстәм Хәмитов: «Илебеҙ халҡы күп тапҡыр, берҙәмлек күрһәтеп, уны дошмандарҙан ҡотҡарған»
4 ноябрҙә Өфөлә Башҡортостан Башлығы Рөстәм Хәмитов Халыҡтар берҙәмлеге көнөнә арналған митингта сығыш яһаны.

– Барыһын да Халыҡтар берҙәмлеге көнө менән ҡотлайым. Ошо байрамды 11-се тапҡыр ғына билдәләйбеҙ. Әммә был көн тамырҙары менән тарихҡа барып тоташа. Илебеҙ халҡы күп тапҡыр, берҙәмлек күрһәтеп, уны дошмандарҙан ҡотҡарған, – тине Рөстәм Хәмитов. – Бөгөнгө көн дә бергәләп эшләүебеҙҙе, илде һәм республиканы алға ебәреүебеҙҙе күрһәтә, тип әйткем килә. Башҡортостанға килгәндә, беҙҙә финанс, төҙөлөш, инвестиция, яңы проекттар әҙерләү йәһәтенән хәлдәр һәйбәт. Әлбиттә, һеҙҙең менән республикабыҙ алға барһын өсөн бөтәһен дә эшләргә тырышабыҙ.

«Башҡортостан» дәүләт концерт залы алдындағы майҙанда ҡала халҡы һәм ҡунаҡтары өсөн байрам концерты ойошторолдо, республикалағы тарихи-мәҙәни һәм милли-мәҙәни үҙәктәрҙең күргәҙмәләре эшләне. Төбәк етәксеһе митингта ҡатнашыусылар менән аралашты һәм күргәҙмәләр экспозицияһы менән танышты.

«Башинформ» мәғлүмәт агентлығы
Александр Смирнов.

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb