Рөстәм Хәмитов «ТЭФИ-Төбәк» Бөтә Рәсәй телевизион конкурсы еңеүселәрен бүләкләү тантанаһында сығыш яһаны
Рөстәм Хәмитов «ТЭФИ-Төбәк» Бөтә Рәсәй телевизион конкурсы еңеүселәрен бүләкләү тантанаһында сығыш яһаны
24 ноябрҙә Өфөлә Башҡортостан Башлығы Рөстәм Хәмитов «ТЭФИ-Төбәк» XV Бөтә Рәсәй телевизион конкурсы еңеүселәрен бүләкләү тантанаһында сығыш яһаны. Сара «Башҡортостан» дәүләт концерт залында уҙҙы.
– Һынлы сәнғәттә әлеге мәлде һүрәтләү теләгенән барлыҡҡа килгән импрессионизм тигән йүнәлеш бар. Минеңсә, «ТЭФИ» премияһына дәғүә итеүселәрҙең барыһы ла – импрессионистар, – тине Рөстәм Хәмитов. – Һеҙ бөтә күңелегеҙҙе һалып эшләйһегеҙ. Бөгөнгө көндө нисек бар, шулай һүрәтләргә тырышаһығыҙ. Әйтергә кәрәк, эшегеҙҙе яҡшы, намыҫлы башҡараһығыҙ.
Рәсәй Хөкүмәте Рәйесе Дмитрий Медведев конкурста ҡатнашыусыларға сәләмләү хаты ебәргән.
«Рәсәй телевидениеһы академияһы» фонды президенты Александр Акопов конкурстың һуңғы этабы юғары кимәлдә ойошторолоуын билдәләне һәм республика етәкселегенә, төбәк Башлығы Рөстәм Хәмитовҡа ошо ваҡиғаны ойоштороуҙа ярҙам күрһәткән өсөн рәхмәт белдерҙе.
– Өфөлә булдырылған һоҡланғыс инфраструктураның эшләүен яҡшы беләбеҙ. Беҙ уны үҙләштерҙек, – тине Александр Акопов. – Белеүебеҙсә, бында халыҡ-ара, ил кимәлендәге башҡа саралар үткәрергә ниәтләйһегеҙ. Беҙҙең академия иһә Өфөнөң ысынлап та заманса ҡабул итеүен раҫлаған хат ебәрә ала. Иң мөһиме – бында изге күңелле һәм ҡунаҡсыл халыҡ йәшәй. Рәхмәт Өфөгә!
«ТЭФИ-Төбәк» Бөтә Рәсәй конкурсы – илдең төбәк телекомпаниялары өсөн йылдың төп телевизион ваҡиғаһы. Сараны Матбуғат һәм киң коммуникациялар буйынса федераль агентлыҡ ярҙамында «Рәсәй телевидениеһы академияһы» фонды ойоштора. Унда төбәк телекинокомпаниялары, студиялары, продюсер үҙәктәре, берләшмәләр ҡатнаша. Башҡортостан журналистары конкурста йыш ҡатнаша, еңеүҙәр яулай. Быйыл бәйгенең һуңғы этабы Өфөлә уҙғарылды, унда илдең 83 төбәгенән 150-гә яҡын журналист ҡатнашты.
Сығанаҡ: «Башинформ» мәғлүмәт агентлығы, Александр Смирнов.
24 ноябрҙә Өфөлә Башҡортостан Башлығы Рөстәм Хәмитов «ТЭФИ-Төбәк» XV Бөтә Рәсәй телевизион конкурсы еңеүселәрен бүләкләү тантанаһында сығыш яһаны. Сара «Башҡортостан» дәүләт концерт залында уҙҙы.
– Һынлы сәнғәттә әлеге мәлде һүрәтләү теләгенән барлыҡҡа килгән импрессионизм тигән йүнәлеш бар. Минеңсә, «ТЭФИ» премияһына дәғүә итеүселәрҙең барыһы ла – импрессионистар, – тине Рөстәм Хәмитов. – Һеҙ бөтә күңелегеҙҙе һалып эшләйһегеҙ. Бөгөнгө көндө нисек бар, шулай һүрәтләргә тырышаһығыҙ. Әйтергә кәрәк, эшегеҙҙе яҡшы, намыҫлы башҡараһығыҙ.
Рәсәй Хөкүмәте Рәйесе Дмитрий Медведев конкурста ҡатнашыусыларға сәләмләү хаты ебәргән.
«Рәсәй телевидениеһы академияһы» фонды президенты Александр Акопов конкурстың һуңғы этабы юғары кимәлдә ойошторолоуын билдәләне һәм республика етәкселегенә, төбәк Башлығы Рөстәм Хәмитовҡа ошо ваҡиғаны ойоштороуҙа ярҙам күрһәткән өсөн рәхмәт белдерҙе.
– Өфөлә булдырылған һоҡланғыс инфраструктураның эшләүен яҡшы беләбеҙ. Беҙ уны үҙләштерҙек, – тине Александр Акопов. – Белеүебеҙсә, бында халыҡ-ара, ил кимәлендәге башҡа саралар үткәрергә ниәтләйһегеҙ. Беҙҙең академия иһә Өфөнөң ысынлап та заманса ҡабул итеүен раҫлаған хат ебәрә ала. Иң мөһиме – бында изге күңелле һәм ҡунаҡсыл халыҡ йәшәй. Рәхмәт Өфөгә!
«ТЭФИ-Төбәк» Бөтә Рәсәй конкурсы – илдең төбәк телекомпаниялары өсөн йылдың төп телевизион ваҡиғаһы. Сараны Матбуғат һәм киң коммуникациялар буйынса федераль агентлыҡ ярҙамында «Рәсәй телевидениеһы академияһы» фонды ойоштора. Унда төбәк телекинокомпаниялары, студиялары, продюсер үҙәктәре, берләшмәләр ҡатнаша. Башҡортостан журналистары конкурста йыш ҡатнаша, еңеүҙәр яулай. Быйыл бәйгенең һуңғы этабы Өфөлә уҙғарылды, унда илдең 83 төбәгенән 150-гә яҡын журналист ҡатнашты.
Сығанаҡ: «Башинформ» мәғлүмәт агентлығы, Александр Смирнов.