Ҡурайсыларҙың Рөстәм Шәрипов исемендәге асыҡ республика бәйгеһе еңеүсеһе билдәле булды. Гран-при титулын 26 йәшлек Морат Йәноҙаҡов -"Йатаған" этно-төркөмөнөң музыканты яуланы. Ул бәйгелә башҡорт  халыҡ  “ Ҡолой кантон” көйөн башҡарҙы. Ҡурайсыға милли костюм тектереүгә 20 мең һумлыҡ сертификат тапшырылды.

Бәйгелә республикабыҙ ҡала-райондарынан 110 башҡарыусы ҡатнашты.

Рөстәм Шәрипов исемендәге асыҡ республика бәйгеһе тәүге тапҡыр 2016 йылда  Йылайыр районында ойошторолғайны. Былтырғы бәйгелә ҡатнашыусылар һаны 80 –гә еткәйне.

Бәйгенең ойоштороусылары: БР Мәҙәниәт министрлығы, Республика Халыҡ ижады үҙәге һәм Республика ҡурайсылар союзы.

Рөстәм Шәрипов-йәш, талантлы ҡурайсыларҙың береһе ине. Башҡор дәүләт филармонияһы солисы, күп конкурстар лауреаты булды.