Башҡортостан Республикаһының 100 йыллығы һәм “Бәләкәй ҡалалар театрҙары” проекты сиктәрендә Өфөлә ҙур мәҙәни сара үтә. "Берҙәм Рәсәй" партияһының бәләкәй ҡалалар театрҙарына, балалар театрҙарына ярҙам ниәтендә ойошторған проектының йомғаҡлау саралары 12 марттан 18 мартҡа тиклем уҙа. Баш ҡала сәхнәһендә сығыш яһаған коллективтар араһында Салауат драма театры ла бар.
Бөгөн Мәжит Ғафури исемендәге Башҡорт академия драма театры сәхнәһендә Салауат башҡорт дәүләт драма театры күренекле әҙибә Гөлсирә Ғиззәтуллинаның "Йәннәт һулышы" повесы буйынса сәхнәләштерелгән спектаклен тәҡдим итә.
Өфө халҡы һәм ҡунаҡтары сәхнә әҫәренә 12-се һәм 18-се мартта тамаша ҡыла ала.
Билеттар театр кассаһында һатыла. Белешмәләр өсөн тел: 8(347) 272-35-33.
Спектаклдәргә рәхим итегеҙ, дуҫтар!