6 октябрҙә М. Ғафури исемендәге Башҡорт дәүләт академия драма театры сәхнәһендә Салауат башҡорт дәүләт драма театры артистары Сәрүәр Сурианың "АБАУ, ДИМСЕ КИЛӘ!" музыкаль комедияһын тәҡдим итәсәк. 

Ҡуйыусы режиссеры - Зиннур Сөләймәнов, балетмейстеры - Сулпан Асҡарова, рәссамы - Рөстәм Баймөхәмәтов һәм композиторы Илсаф Вәдүтов. Ҡуйылған әҫәр музыкаль комедия һаналһа ла, унда заманыбыҙҙың иң көнүҙәк проблемалары сағылдырыла. Режиссерҙың таланты шунда ла: ул тамашасыға тормошобоҙҙағы һәр кемде борсоған проблемаларҙы күрһәтеп кенә ҡалмай, ә ауыр хәлдән сығыу юлдары булыуын да иҫкәртә.

Спектаклдә бөтә труппа ҡатнаша, улар йәнен-тәнен биреп ихлас уйнайҙар. 

Тамаша башҡортса сәхнәләштерелә, рус теленә синхронлы тәржемә ителә.

Спектакль киске сәғәт етелә башлана.