Салауат дәүләт башҡорт драма театры 2023 йылда «Ҙур гастролдәр» Бөтә Рәсәй берҙәм гастролдәр-концерт планында ҡатнаша. Рәсәй Мәҙәниәт министрлығының Бөтә Рәсәй берҙәм гастроль-концерт планы эгидаһы аҫтында Ҙур гастролдәр илдең ҙур һәм бәләкәй ҡалаларында йәшәүсе Рәсәй тамашасыларына илебеҙ һәм сит ил сәнғәтенең иң яҡшы өлгөләре менән танышырға мөмкинлек бирә.  

Театр Татарстан республикаһында спектаклдәр күрһәтеү, шулай уҡ 15-17 ноябрҙә Ҡазан театрын ҡунаҡҡа ҡабул итеү мөмкинлегенә эйә булды.

12-14 сентябрҙә Ғабдулла Кәриев исемендәге Татар дәүләт йәш тамашасы театры сәхнәһендә Салауат театры коллективы Ҡазан тамашасыларына һуңғы йылдарҙағы премьераларҙы күрһәтәсәк.