Салауат дәүләт башҡорт драма театрында Башҡортостандың халыҡ артисы Риза Мәһәҙиевтың "Һине юҡһына күңел..." исемле хәтер кисәһе уҙҙы. Быйыл 13 мартта уға 50 йәш тулған булыр ине...

Кисәлә тамашасы залы уның ижадын яратыусылар менән тулы ине. Үҙҙәренең яратҡан коллегаһын иҫкә алырға тип, Өфөнән уның курсташтары ашҡынып килеп еттеләр. Сәхнәлә Башҡортостандың халыҡ артистары Вилдан Яруллин һәм Артур Туҡтағолов дуҫының яҡты иҫтәлегенә арнап йыр башҡарҙылар. Шулай уҡ, Риза Мәһәҙиевтың уҡытыусыһы, Башҡортостан Республикаһының атҡаҙанған артисткаһы Хөсәйенова Земфира Хәмзә ҡыҙы ла уның студент булараҡ ниндәй яҡшы кеше булыуы хаҡында үҙ хәтирәләре менән бүлеште. Әлбиттә, Риза Рафаил улының ҡатыны, ҡыҙы, өс ейәнсәре һәм барлыҡ туғандары ла килгәйне.

Тамашасылар өсөн ҙур экранда спектаклдән өҙөктәр күрһәтелде, Риза Мәһәҙиев башҡарыуында йырҙар яҙмаһы яңғыраны.