Республика көнө алдынан Радий Хәбиров Салауат Юлаев исемендәге премияны тапшырҙы. был әҙәбиәт, сәнғәт һәм архитектура өлкәһендә иң юғары награда.
«Беренсе республика» тулы метражлы нәфис фильмы режиссеры Булат Йосопов менән сценарий авторы Гөлсәсәк Саламатова – Салауат Юлаев исемендәге дәүләт премияһы лауреаттары.
Салауат Юлаев исемендәге дәүләт премияһы быйыл «Зөләйха күҙҙәрен аса» спектакле өсөн Мәжит Ғафури исемендәге Башҡорт дәүләт академия драма театрының баш режиссеры Айрат Абушахманов менән баш рәссам Альберт Нестеровҡа ла тапшырылды. Рәссам Хәтип Фазылов та премия лауреаты булды.