Кисә, 1 сентябрь көнө, Белем көнө айҡанлы "Юлдаш" радиоһы Салауат Юлаев майҙанында ойошторған "Сәләм, студент!" байрамы һәр йылдағыса шаулап-гөрләп үтте.

Был сара йыл һайын 10 меңдән ашыу кешене йыя, быйыл да шунан кәм булманы. Уйындар һәм конкурстар, баш ҡаланың барлыҡ вуздарынан студенттар араһында квест, мәртәбәле ҡунаҡтар сығыштары, флешмоб ойошторолдо.

Башҡорт эстрадаһының йәш йондоҙҙары концерты алҡыштар менән ҡабул ителде.