Бөтә донъя Башҡорттар ҡоролтайы Башҡарма комитетының матбуғат хеҙмәтенән хәбәр итеүҙәренсә, Өфөлә Салауат Юлаев һәйкәле алдындағы майҙанда студенттарҙың “Киске уйын” тип аталған осрашыу марафоны ойошторола. Башҡортостан йәштәре тәүге осрашыуға 20 майҙа йыйыласаҡ.

“Юлдаш” радиоһы алып барыусылары байрамда ҡатнашыусылар өсөн төрлө уйын-конкурстар әҙерләй.

Башҡорт эстрадаһы йондоҙҙары ҡатнашлығында концерт көтөлә. Республиканың Йәш яҡташтар ассоциацияһы Башҡортостанда Экология һәм айырым һаҡланған тәбиғәт биләмәләре йылына арналған эко-квест үткәрә.

Сара киске сәғәт 6-ла башлана. Артабан “Киске уйын”ды октябрь аҙағына тиклем айына ике тапҡыр уҙғарыу күҙаллана.