Мәжит Ғафури исемендәге Башҡорт дәүләт академия драма театрында эшләп килгән "Самрау" балалар студияһы миҙгелен аса - сәхнә серҙәренә төшөнөргә теләүсе балаларҙы һәм үҫмерҙәрҙе йыя.

 Театр артистары - Рәсәйҙең атҡаҙанған, Башҡортостандың халыҡ артисткаһы, Өфө дәүләт сәнғәт институты профессоры Суфия Ҡорбанғәлиева, Урал Әминов, Гөлнара Ҡаҙаҡбаева, Юлиә Ғәләүетдинова һәм режиссер Илсур Ҡаҙаҡбаев балалар менән дәрестәр алып барасаҡ.

Актер оҫталығы, сәхнә теле дәрестәре уҙғарыла, шулай уҡ йәш артистар репертуарҙағы спектаклдәрҙә лә ҡатнаша. Рәхим итегеҙ! Һорауҙар менән студияның етәксеһе Урал Фирғәт улы Әминовҡа мөрәжәғәт итегеҙ.