Сан-Францискола фажиғәле һәм батыр яҙмышлы шағирҙарҙың береһе - Шәйехзада Бабичтың тормош һәм ижад юлына арналған «Бабич» фильмы күрһәтелде. Булат Йосопов режиссерлығында фильм ҙур ҡыҙыҡһыныу менән ҡаралған.

Тыуған милләте өсөн янып йәшәгән, рәсми дәрәжә­ләр бирелмәһә лә ике мөсәл ғүмерендә халыҡ шағиры­на әйләнеп өлгөргән Шәйехзада Бабич - халыҡ күңе­лендә, ил йөрәгендә...

"Бабич"-башҡорт кинематографияһы тарихында донъя күргән тәүге художество тарихи фильм. Күренекле башҡорт шағиры Шәйехзада Бабичтың тормош һәм ижад юлына арналған яңы кинотаҫма тамашасы алдына үткән быуаттың 1916-1919 йылдарын күҙ алдына баҫтыра.

Фильмдағы бар эпизодтар ҙа тарихи дәлилдәргә, документтарға таянып ижад ителгән. Картина яңы йөҙҙәр, яңы артистар асыуы менән үҙенсәлекле. Милли йәштәр театры актеры Илгиз Таһиров- Шәйехзада Бабич ролен башҡара.