11 февралдә “Облака” заманса сәнғәт үҙәгендә “Сағылыштар” ("Отражения") күргәҙмәһе асыла. Яңы күргәҙмәлә Мәскәү рәссамы, анималист Сергей Строгановтың эштәре ҡуйылған. Ул гиперреализм йүнәлешендә ижад итә, рәсемдәрендә ентекле техника һәм бай образлылыҡ берләшә. Ҡәләм менән төшөрөлгән фотореалистик һүрәттәр күптәрҙе шаҡ ҡатыра, тиҙәр күргәҙмәне ойоштороусылар. Күпселек эштәр әҙәби әҫәрҙәргә, атап әйткәндә Эзоп һәм Лафонтен мәҫәлдәренә нигеҙләнеп ижад ителгән. Күргәҙмә төрлө йәштәге ижад һөйөүселәргә тәғәйенләнгән.