Зәйнәб Биишева исемендәге “Китап” нәшриәтендә билдәле шағир Фәнил Бүләковтың “Торналарҙы офоҡ саҡыра” исемле шиғри йыйынтығы баҫылды.
Шиғырҙарҙа авторҙың тормош, йәшәү мәғәнәһе тураһындағы уйланыуҙары, халыҡ яҙмышы, уның рухи байлығы хаҡындағы кисерештәре тасуир ителә. Шағир тыуған ерҙең хозурлығына һәм мәңгелек хис – мөхәббәткә дан йырлай. Китапҡа инеш һүҙҙе Башҡортостан Яҙыусылар союзы рәйесе Зәки Әлибаев яҙған.