23 сентябрҙә Шишмә районында «Ҡатыҡ байрамы» уҙғарыла. Район мәҙәниәт һарайы алдындағы асыҡ майҙанда «Милли ихата» һәм «Милли аш-һыу» темаларына презентациялар ойоштороласаҡ, улар Башҡортостан Республикаһының һәм Рәсәй төбәктәренең ижади коллективтары тәҡдим иткән төрлө халыҡтарҙың милли мәҙәниәттәренең байлығын һәм төрлөлөгөн күрһәтәсәк.

Шулай уҡ оҫталарҙан һәм һөнәрселәрҙән биҙәү-ҡулланма сәнғәте тауарҙарын һатыу, күргәҙмә үткәреү планлаштырыла. Бынан тыш, милли аш-һыу әҙерләү буйынса оҫталыҡ дәрестәре ойоштороласаҡ.

Байрам ҡунаҡтары өсөн бай концерт программаһы әҙерләнә, унда Башҡортостандың иң яҡшы милли ижади коллективтарының сығыштары инәсәк.

«Ҡатыҡ байрамы» Башҡортостан Республикаһы халыҡтарының милли аш-һыуы традицияларын тергеҙеүгә, һаҡлауға, йәш быуынды үҙ халҡының мәҙәниәтенә һәм традицияларына ылыҡтырыуға йүнәлтелгән.