Күптән түгел Өфө ҡалаһында урынлашҡан Шәһит Хоҙайбирҙин йорт-музейында уҡытыусы, шағирә, драматург, композитор Зөһрә Фәйзуллина менән ижади-музыкаль кисә үтте.

Сарала  Фатима Мостафина исемндәге 20-се ҡала башҡорт гимназияһының  уҡыусылары бик теләп ҡатнашты. Шағирәнең  бала сағы, бала саҡ хыялдары, тәүге ижад емештәре тураһында көтөлмәгән һорауҙар биреп, уның менән бергә шатлыҡлы мәлдәргә ҡайтҡандай булды уҡыусылар.

Үткән йылда донъя күргән "Үҫеп етербеҙ әле" китабын шағирә ҡунаҡтарға бүләк итеп тапшырҙы. Класташтары, "Тамыр" балалар һәм үҫмерҙәр теле һәм радио тапшырыуҙар студияһы тәрбиәләнеүсеһе, Никитин Рафаэль Зөһрә Фәйзуллина йырҙарын ихлас йырлап ишеттерһә, уның ҡустыһы Данил тасуири итеп шиғыр һөйләне.