12 ноябрҙә Сибай ҡалаһында Башҡортостандың атҡаҙанған уҡытыусыһы, РСФСР - ҙың мәғариф отличнигы, талантлы музыкант - баянсы, һәүәҫкәр композитор Юлай Моратовтың хәтер кисәһе уҙҙы. Сара барышында билдәле композитор исемендәге III асыҡ ҡала һәүәҫкәр композиторҙары конкурсының Гала-концерты булды. Был сара ҡала мәҙәниәт бүлеге, Сибай сәнғәт колледжы һәм Сибай концерт - театр берекмәһе тарафынан ойошторолдо. Концертта Юлай Хәким улы яҙған йырҙарҙы Сибай концерт - театр берекмәһе артистары һәм музыканттары башҡарҙы.