Арыҫлан Мөбәрәков исемендәге Сибай башҡорт драма театры, 25 апрелдә Башҡортостандың халыҡ артисы Әсҡәт Йәнбәков, уның һөйөклө ҡатыны Башҡортостандың атҡаҙанған артисы Рәмзиә Ҡудашева, уларҙың яратҡан улы талантлы актер, йырсы, режиссер Арыҫлан Йәнбәковҡа бағышланған хәтер һәм ҡәҙер кисәһен уҙғара.

Бар ғүмерҙәрен театр сәнғәтенә бәйләп, ижад менән янып йәшәгән, халыҡ һөйөүен яулаған талантлы артистар ғәиләһенә ҡапыл аңғармаҫтан бәхетһеҙлек килеп, Әсҡәттең һөйөклө ҡатыны Рәмзиәне, күп тә тормай, уларҙың ижад юлын  дауам итергә тейешле талантлы улы Арыҫланды теге донъяға алып китә. Иң яҡын кешеләрен юғалтыу ҡайғыһы тиҙ арала Әсҡәтте лә аяҡтан йыға. Ләкин тамашасы күңелендә матур, йылы хәтирәләр булып, улар тыуҙырған образдар, башҡарған ролдәр йәшәй, Әсҡәт менән Арыҫландың моңло йырҙары яңғырай.

Талантлы Йәнбәковтар ғәиләһенә бағышланған хәтер һәм ҡәҙер кисәһенә рәхим итегеҙ.
Башлана 19.00 сәғәттә.