Тамашасыларҙың һорауы буйынса 18 октябрь көнө Сибай концерт-театр  берләшмәһе "Исемеңдә һинең яҙмышың..." исемле бай йөкмәткеле концерт тәҡдим итә. Программаның режиссеры-Башҡортостандың атҡаҙанған артисы Нәсимә Ғиззәтуллина, тамашала бөтөн ижади төркөм ҡатнаша.
Милли йөҙө һәм ғорурлыҡты юғалтмаҫҡа, ата-бабалар мираҫына тоғро ҡалырға саҡырған программа тамашасылар күңелендә аңлау һәм яҡлау табыр, тигән ышаныста ҡалабыҙ.
Мең тапҡыр ишеткәнсе, бер тапҡыр күр, тиҙәр.
Килегеҙ, күрегеҙ, һалҡын көҙҙәрҙә күңелдәрҙе матур йыр һәм дәртле бейеүҙәр менән күтәрәйек. Тамаша А.Мөбәрәков исемендәге Сибай дәүләт башҡорт театрында үтәсәк, 19.00 сәғәттә башлана.