Сибай ҡалаһында «Ирәндек моңдары» төбәк-ара башҡорт халыҡ йырҙарын башҡарыусыларҙың бәйгеһенең II туры башланды. Башҡортостан, Татарстан, Мәскәү өлкәһенән һәм Ханты-Мансийск автономия өлкәһенән 53 үҙешмәкәр һәм 23 профессионал башҡарыусылар ҡатнаша.
Конкурсанттар ошо йырҙар араһынан һайлап алып берәүһен башҡарырға тейеш: «Урал», «Сибай», «Буранбай», «Ильяс», «Баяс», «Эскадрон», «Абдрахман», «Сәлимәкәй», «Ғилмияза», «Зөлхизә», «Тәфтиләү», «Таштуғай», «Ашҡаҙар», «Ҡолой кантон», «Ғүмәров», «Ҡаhымтүрә», «Әрме», «Бейеш», «Ғайса ахун», «Йәмәлекәй тауы», «Һандуғас», «Томан», «Шәурә», «Шафиҡ», «Хисам», «Һаҡмар», «Һары ла сәс», «Арғужа», «Төйәләҫ», «Уйыл».
Конкурстың жюри рәйесе – Х. Әхмәтов исемендәге Башҡорт дәүләт филармонияһы солисы, БР халыҡ артисы, халыҡ-ара конкурстар лауреаты, 1996 йылда «Ирәндек моңдары» бәйгеһендә еңеүсе Азамат Тимеров.