Башҡортостанда йыл аҙағында ике ижади конкурсҡа йомғаҡ яһалды. Уларҙың икеһендә лә сибайҙар еңеү яуланы.
“Башҡорт йыры” вокал бәйгеһендә гран-приға Сибай концерт-театр берекмәһе артисы Әлфир Заманов лайыҡ булды. “Сибай ынйылары” фольклор ансамбле иһә “Байыҡ” хореография конкурсында еңеүсе тип табылды. Тағы бер коллектив – “Ынйыҡай” бейеү студияһында шөғөлләнеүселәр бәйге лауреаттары булды.
Сибай концерт-театр берекмәһен ижади уңыштары менән ҡотлайбыҙ!