Башҡортостанда 10 – 15 майҙа Владимир Спиваковтың I халыҡ-ара скрипкасылар конкурсы үтә. Ижади бәйге маэстроның тыуған ҡалаһы – Өфөлә уҙғарыла. Конкурста 15 йәштән 26 йәшкә тиклемге музыканттар ҡатнаша. Йәш таланттар сығышын абруйлы баһалама комиссияһы ҡарай. Жюри составында Америка Ҡушма Штаттары, Австрия, Канада, Франциянан музыка белгестәре һәм Владимир Спиваков үҙе була. Бәйге һөҙөмтәләре буйынса 4 премия бирелә, еңеүсегә IXX быуатта йәшәгән танылған скрипка яһау оҫтаһы Карло Джузеппо Одедононың музыка ҡоралы бүләк ителә. Лауреаттарға шулай уҡ скрипкалар һәм 5, 3, 2 мең доллар күләмендә аҡсалата премия тапшырыла.

Сығанаҡ