"Муха" студияһы һәм танылған рәссам-карикатурасы Камил Буҙыҡаев коронавирус тураһында ҡыҫҡа йәнһүрәт төшөргән.
Йәнһүрәт хәүефле сирҙән һаҡланыу сараларын ҡулланыу темаһына арналған. Уның геройы ала ҡарға маска кейгән һәм ҡанаттары менән сыр тотҡан. Хәйләкәр коронавирус уға йырлап ишеттерергә үтенә һәм маскаһын сискән һәм сырын төшөрөп ебәргән ала ҡарғаның ауыҙына инеп тә китә.
Башҡортостан Башлығы Радий Хәбиров үҙенең шәхси сәхифәһендә: “Оошондай алымдар айырым кешеләрҙең етешһеҙлектәрен фашлай һәм коронавирустан һаҡланыу өсөн дөрөҫ ғәҙәттәр тәрбиәләй. Республикала бөтә донъяға танылған оҫталарҙың булыуына ғорурлыҡ тойғоһо кисерәм”, - тип яҙа.