Стәрлебаштар “Дауыл” спектакле менән Ҡаҙанда!
Күптән түгел Стәрлебаш татар халыҡ театры “Иҙел йорт” төбәк-ара конкурс фестивалендә ҡатнашып ҡайтты.
Конкурс Ҡаҙан ҡалаһында 2000 йылдан алып уҙғарылып килә. Фестиваль театр сәнғәтен үҫтереүгә, үҙешмәкәр артистарҙың башҡарыу оҫталығын камиллаштырыу маҡсаттарын үҙ эсенә алған.
Бәйгелә Башҡортостандан Стәрлебаш районы Мәҙәниәт һарайы ҡаршыһында эшләп килеүсе татар халыҡ театры Зөлфиә Ғизетдинованың “Дауыл” спектакле менән ҡатнашты.
“Дауыл” — тарихи әҫәр. Ул алдынғы ҡарашлы ахун, Өфө губернаһы исеменән Рәсәйҙең икенсе һәм өсөнсө саҡырылыш Дәүләт думаһы депутаты Мөхәммәтшакир Туҡаев (1867-1932) шәхесен һәм уның тыуған Стәрлебаш төбәген күтәреүгә, мәғрифәтселекте үҫтереүгә, халыҡтың йәшәү шарттарын яҡшыртыуға кереткән өлөшөн тасуирлай. Әҫәрҙә данлыҡлы Стәрлебаш мәҙрәсәһендә уҡытҡан һәм ижад иткән шағирҙарыбыҙ Ғәли Соҡорой, Шәмсетдин Зәки, мәҙрәсәлә белем алған батырҙарыбыҙ Салауат Юлаев, Кинйә Арыҫланов, Мифтахетдин Аҡмулла кеүек билдәле шәхестәр йәшәгән ваҡыт һүрәтләнә.
Спектаклдәге Мөхәммәтшакир Туҡаев ролен — Стәрлебаш ауылының 2нсе урта мәктәбе уҡытыусыһы Наил Заһиҙуллин, ә уның ҡатыны Маһитап ролен төбәкте өйрәнеү музейы директоры Зөлхизә Әсәҙуллина башҡара.
Ҡыҙҙар ролен Эльвера Ибәтуллина (Мәрйәм), Линария Мөхәммәтйәнова (Хәлимә), Алия Шәрипова (Хөршиҙә), Алина Хәсәнова (бәләкәй Әминә ), Роза Рәхмәтуллина (өлкән Әминә), Дарина Ибәтуллина (Фатима) башҡарҙылар. Полковник Мөфтизаҙә ролендә — Таһир Базарбаев, Василий Бартольд һәм Сәҙретдин Солтанов булып — Азамат Ғәбиҙуллин, адвокат Сыртланов һәм Яралы егет булып Алик Ибәтуллин сығыш яһанылар. Аҫрау ҡыҙ Мәйсәрә ролен бик уңышлы итеп Сөмбөл Йосопова башҡарҙы. Булат Сәхибгәрәев менән Вадим Антонюк — акгвардиясылар һәм санитарҙар, Рафаил Йосопов кусер образдарын кәүҙәләндерҙәләр.
Шулай уҡ видеопроекция өсөн яуаплы белгес Юлия Кожевина, тауыш режиссеры Рөстәм Ғәлиәкбәров, яҡтылыҡ буйынса рәссам Илдар Шәрипов, рәссам-модельер Гөлназ Абдуллина, рәссам-декоратор Марат Мөхәммәтйәровтың хеҙмәттәре баһалап бөткөһөҙ.
Артабан да халыҡ театры яңы тамашалары менән ҡыуандырыуын дауам итһен. Ижади коллективҡа уңыштар һәм еңеүҙәр теләйбеҙ.
Гүзәл Багаева
Конкурс Ҡаҙан ҡалаһында 2000 йылдан алып уҙғарылып килә. Фестиваль театр сәнғәтен үҫтереүгә, үҙешмәкәр артистарҙың башҡарыу оҫталығын камиллаштырыу маҡсаттарын үҙ эсенә алған.
Бәйгелә Башҡортостандан Стәрлебаш районы Мәҙәниәт һарайы ҡаршыһында эшләп килеүсе татар халыҡ театры Зөлфиә Ғизетдинованың “Дауыл” спектакле менән ҡатнашты.
“Дауыл” — тарихи әҫәр. Ул алдынғы ҡарашлы ахун, Өфө губернаһы исеменән Рәсәйҙең икенсе һәм өсөнсө саҡырылыш Дәүләт думаһы депутаты Мөхәммәтшакир Туҡаев (1867-1932) шәхесен һәм уның тыуған Стәрлебаш төбәген күтәреүгә, мәғрифәтселекте үҫтереүгә, халыҡтың йәшәү шарттарын яҡшыртыуға кереткән өлөшөн тасуирлай. Әҫәрҙә данлыҡлы Стәрлебаш мәҙрәсәһендә уҡытҡан һәм ижад иткән шағирҙарыбыҙ Ғәли Соҡорой, Шәмсетдин Зәки, мәҙрәсәлә белем алған батырҙарыбыҙ Салауат Юлаев, Кинйә Арыҫланов, Мифтахетдин Аҡмулла кеүек билдәле шәхестәр йәшәгән ваҡыт һүрәтләнә.
Спектаклдәге Мөхәммәтшакир Туҡаев ролен — Стәрлебаш ауылының 2нсе урта мәктәбе уҡытыусыһы Наил Заһиҙуллин, ә уның ҡатыны Маһитап ролен төбәкте өйрәнеү музейы директоры Зөлхизә Әсәҙуллина башҡара.
Ҡыҙҙар ролен Эльвера Ибәтуллина (Мәрйәм), Линария Мөхәммәтйәнова (Хәлимә), Алия Шәрипова (Хөршиҙә), Алина Хәсәнова (бәләкәй Әминә ), Роза Рәхмәтуллина (өлкән Әминә), Дарина Ибәтуллина (Фатима) башҡарҙылар. Полковник Мөфтизаҙә ролендә — Таһир Базарбаев, Василий Бартольд һәм Сәҙретдин Солтанов булып — Азамат Ғәбиҙуллин, адвокат Сыртланов һәм Яралы егет булып Алик Ибәтуллин сығыш яһанылар. Аҫрау ҡыҙ Мәйсәрә ролен бик уңышлы итеп Сөмбөл Йосопова башҡарҙы. Булат Сәхибгәрәев менән Вадим Антонюк — акгвардиясылар һәм санитарҙар, Рафаил Йосопов кусер образдарын кәүҙәләндерҙәләр.
Шулай уҡ видеопроекция өсөн яуаплы белгес Юлия Кожевина, тауыш режиссеры Рөстәм Ғәлиәкбәров, яҡтылыҡ буйынса рәссам Илдар Шәрипов, рәссам-модельер Гөлназ Абдуллина, рәссам-декоратор Марат Мөхәммәтйәровтың хеҙмәттәре баһалап бөткөһөҙ.
Артабан да халыҡ театры яңы тамашалары менән ҡыуандырыуын дауам итһен. Ижади коллективҡа уңыштар һәм еңеүҙәр теләйбеҙ.
Гүзәл Багаева
