31 ғинуарҙа Стәрлетамаҡ дәүләт театр-концерт берләшмәһе филармонияһы «Көрәшергә, бирешмәҫкә Һәм еңергә!» программаһының премьераһына саҡыра. Концерт Сталинград Һәм Курск алыштарындағы еңеүҙең 80 йыллығына арнала.

Программа «Рәсәйгә хеҙмәт итеү» абонементы сиктәрендә музыкаль-әҙәби лекторий артистары тарафынан әҙерләнгән.

Концертта хәрби-патриотик әҫәрҙәр яңғыраясаҡ, программаның интерактив өлөшөндә тамашасылар тарих буйынса белемен арттырасаҡ, викторинала ҡатнашасаҡ.

Филармонияның художество етәксеһе – Башҡортостандың атҡаҙанған сәнғәт эшмәкәре Лира Фәйзуллина.

Сара киске 7-лә башлана.