Башҡортостандың юғары уҡыу йорттарында "Студент яҙы" фестиваленең һайлап алыу турҙары бара. Сараны ойоштороусылар әйтеүенсә, ижади бәйге һәләтле йәштәрҙе асыҡлау һәм уларға ярҙам итеүгә, студенттар ижадын пропагандалау, башҡарыу оҫталығын күтәреү, йәштәрҙе эстетик һәм әхлаҡи тәрбиәләү буйынса эштәр формаһын камиллаштырыу, ҡала һәм төбәктең мәҙәни потенциалын үҫтереүгә булышлыҡ итеү маҡсатында үткәрелә. Тәүҙә юғары уҡыу йорттарының концерт майҙандарында ижади коллективтарҙың факультет һәм юғары уҡыу йорттары смотр-конкурстары, фестивалдәре, отчет концерттары үтәсәк. Еңеүселәр иһә апрелдә республика *Студент яҙы* конкурсында сығыш яһаясаҡ.