Стәрлетамаҡ дәүләт театр-концерт берләшмәһенең Башҡорт драма театры 27-се ижад миҙгелен Мостай Кәримдең «Өс таған» әҫәре буйынса ҡуйылған спектакле менән асты.

Башҡорт классигының әҫәре “Берҙәм Рәсәй” партияһының “Бәләкәй ҡалалар театрҙары” проекты ярҙамында әҙерләнгән. Был программа буйынса бирелгән аҡсаны театрҙар яңы спектакль йәки матди-техник хәлдәрен яҡшыртыу өсөн тотонорға йыйына.

Быйыл ижади коллектив «Бәләкәй ҡалалар театрҙары» программаһында  ҡатнашып ике проектҡа аҡсалата ярҙам алды. «Өс таған» спектакленең премьераһы ҙур аншлаг менән үтте. Сарала халыҡ яҙыусыһының ҡыҙы Әлфиә Кәримова театр коллективына оло рәхмәтен белдерҙе һәм сәхнә әҫәренә оҙон ғүмер теләне.  

Октябрҙә  Федери́ко Гарси́а Ло́рканың «Бернард Альбаның йорто» әҫәрен сәхнәгә сығарырға йыйына ижади коллектив.

Ноябрҙә тамашасыларҙы Дамир Сәлиховтың «Кәләш түгел, иблис» премьераһы көтә.