Стәрлетамаҡ театр-концерт берләшмәһенең башҡорт драма театры 30-сы юбилей ижад миҙгелен “Хушығыҙ, хыялдарым” исемле яңы спектакль менән асты.
Тамашасыларҙы һәм артистарҙы был тантаналы сара менән Стәрлетамаҡ ҡалаһы хакимиәте башлығы урынбаҫары А. Шәйхетдинов һәм БР мәҙәниәт министры урынбаҫары Р. Алтынбаев тәбрикләне.
Әнғәм Атнабаевтың драмаһын сәхнәгә БР атҡаҙанған артисы Азат Йыһаншин ҡуйҙы.
Спектакль “Берҙәм Рәсәй” партияһының “Кесе Ватан мәҙәниәте” проекты сиктәрендә әҙерләнде.
Яңы спектакль менән асылған 30-сы ижад миҙгеле бай һәм йөкмәткеле булмаҡсы.