"Ашҡаҙар" башҡорт эстрада-фольклор төркөмө тамашасыларға яңы проект тәҡдим итә. Был юлы ижади коллектив күренекле фольклорсы Розалиә Солтангәрәева менән берлектә "Рух асылы" тип исемләнгән театрлаштырылған тамаша әҙерләгән.

Башҡортостандың 100 йыллығына арналған премьера 28 февралгә билдәләнгән. Башҡорт халыҡ йолалары, ғөрөф-ғәҙәттәре менән байытылған сағыу тамаша тыуған илгә дан йырлай.