Стәрлетамаҡ дәүләт театр-концерт берләшмәһен Физәлиә менән Илһам Рәхимовтарһыҙ күҙ алдына килтереүе ҡыйын. Талантлы, сәхнәгә ғашиҡ актерҙар һоҡланғыс ижади ғаилә миҙгеленең 30 йыллығын билдәләй. 

Был юлы Стәрлетамаҡ башҡорт драма театры репертуары йәнә бер сәхнә әҫәре менән тулыланды. Премьера төрөк драматургы Назым Хикмәттең «Онотолған әҙәм» пьесаһы буйынса әҙерләнгән. Спектаклде режиссер Олег Ханов сәхнәләштергән.

«Онотолған әҙәм» спектакленең премьераһына тамаша ҡылыусылар бер кешенең трагедияһына шаһит булды. Уҙған быуаттың 30-сы йылдарында яҙылыуына ҡарамаҫтан, ул бөгөнгө көн менән ауаздаш. Әҫәр кешелеклелек сифатын төплө нигеҙ итеп алған. Физәлиә менән Илһам Рәхимовтар илһамланып йәшәй, ижад итә. Уларҙың сәхнәләге һөйөүе лә, тормоштары ла башҡалар күңелен сафландырырлыҡ көскә эйә.