Стәрлетамаҡ Ҡала мәҙәниәт һарайында үткәрелгән Фәтих Ихсанов исемендәге республика гармунсылар конкурсы шулай тип атала. 
Стәрлетамаҡта республика бәйгеһенә һайлап алыу туры үтте. Сарала 14 гармун оҫтаһы ҡатнашты. Иң өлкән гармунсы Исмәғил Сәғиҙуллинға - 78 йәш. Исмәғил ағай гармунда 16 йәшенән уйнай башлаған. Тоғро дуҫы һәм юлдашына әйләнгән гармуны был юлы ла һынатманы, ағайыбыҙ икенсе урын алды. Ишембай районы Үрге Әрмет ауылы егете ул, Башҡортостандың атҡаҙанған төҙөүсеһе.
Гран-приға Илһам Хәмитов лайыҡ булды. Бәйгелә ҡатнашҡан һәр кемгә мәҙәниәт бүлеге әҙерләгән диплом, гөлләмәләр тапшырылды. 
Ә 25 -26 майҙа Яңауыл ҡалаһында республика кимәлендә уҙғарыласаҡ бәйгелә Стәрлетамаҡ ҡалаһынан өс гармунсы ҡатнашасаҡ.