12 февралдә Стәрлетамаҡ дәүләт театр-концерт берекмәһе сәхнәһендә Бейеү театры «Ата-бабаларҙың мираҫын һаҡлап» тигән өр-яңы программаһын тәҡдим итә.

Мәҙәни мираҫҡа һаҡсыл мөнәсәбәте менән билдәле коллектив халыҡ йолаларына һәм ғөрөф-ғәҙәттәренә нигеҙләнгән хореографик композициялар һәм бейеүҙәр тәҡдим итәсәк. Шул уҡ ваҡытта тамашасылар ата-бабалар ҡалдырған бай мираҫтың беҙҙең көндәрҙә лә ни тиклем көнүҙәк булыуын сағылдырған саманса сығыштарҙы күрәсәк.

Бейеү театрының төп маҡсаты – күсәгилешлекте һаҡлау, традициялар менән замансылыҡты килешле итеп берләштереү. Яңы программаға Бейеү театрына нигеҙ һалған танылған хореограф, Башҡортостандың халыҡ артисы Хәлил Ишбирҙин ижад иткән, тамашасылыр яратып ҡараған композициялар ҙа ингән. Шулай уҡ коллективтың баш балетмейстеры, БР-ҙың халыҡ артисы Эльвира Дауытова һәм БР-ҙың халыҡ артисы Риф Ғәбитов ҡуйған хореографик композициялар буласаҡ.

Йәш сикләүе: 6+