«Сулпан» балалар театры Театрҙар декаднигы сиктәрендә Өфөлә "Тылсымлы ҡурай" спектаклен күрһәтте. Дамир Йосопов инсценировкаһы буйынса ҡуйылған тамаш «Берҙәм Рәсәй» партияһының «Театр - балаларға» проекты сиктәрендә ҡуйылды.

Режиссеры – Ш.Бабич исемендәге Республика дәүләт йәштәр премияһы лауреаты Илсур Ҡаҙаҡбаев, рәссамы – Башҡортостандың атҡаҙанған сәнғәт эшмәкәре, Салауат Юлаев ордены кавалеры Альберт Нестеров, композиторы – Магуля Мезинова, хореографы - Ольга Даукаева.

Аҡбуҙат, Урал батыр һәм Юлдыбай - спектакдең төп геройҙары, йәш тмашасыларҙы батырлыҡ, дуҫлыҡ, берҙәмлек төшөнсәләре менән таныштырҙы. Башҡорт халыҡ әкиәте буйынса ҡуйылған заманса тамаша барыһына ла бик оҡшаны.