Башҡортостан юлдаш телевидениеһә хәбәр итеүенсә, Свердловск өлкәһендә йәшәүсе милләштәштәребеҙ милли байрам һабантуйға әҙерләнә.  Быйыл ул ун икенсе тапҡыр ойоштороласаҡ Халыҡ байрамы өлкә губенаторы, Башҡортостан менән Татарстан Республикалары ярҙамында тормошҡа ашырыла. Байрам саралары 1 июль иртәнге сәғәт 11-ҙә  Ҡаҙныҡ ауылының "Аҡ толпар" ат  спорты клубы биләмәһендә үтә.

Башҡортостандың рәсми делегацияһын Хөкүмәт Премьер-министры урынбаҫары Салауат Сәғитов етәкләйәсәк. Һабайтуйҙа республиканан 117 кеше ҡатнашыуы көтөлә. Хәйбулла районы хакимиәте милли нағыштар менән биҙәлгән ике тирмә ҡорасаҡ. Төбәктең үҙешмәкәр сәнғәт  коллективтары ҙур сәхнәлә үҙ һөнәрен күрһәтәсәк.
Азат Сәлихов, Свердловск өлкәһе хөкүмәте рәйесе урынбаҫары: “Милли көрәш буйынса абсолют еңеүсегә төп приз автомобиль ҡаралған, ат сабыштары өс кимәлдә үҙасаҡ. Уның еңеүсеһенә лә бағыусылар автомобиль әҙерләгән”.
Амур Хәбибуллин, Урал федераль округындағы Башҡортостан республикаһы вәкиле: “Башҡортостан Урал төбәгендә үткән барлыҡ һабантуйҙарҙа ла әүҙем ҡатнашып килә. Быйыл бында Нефтекама филармонияһы һәм Ишембай ҡалаһы коллективтары сығыш яһаясаҡ.  Хәйбулла районы вәкилдәре Башҡорт тирмәһен ҡорасаҡ”.
Ерле башҡорттарҙан һабантуйҙа Свердловск өлкәһенең Башҡорт милли -мәҙәни автономияһы, төбәк ҡоролтайы һәм Башҡорт халыҡ үҙәге ҡатнашасаҡ.
Мәжит Шаһбанов, Свердловск өлкәһе башҡорт милли-мәҙәни автономияһы рәйесе
“Һабантуй беҙҙең төбәктә йыл һайын үткәрелеп килгән ҙур байрам. Уны ойоштороуға һәм иҫтә ҡалырлыҡ итеп үткәреүгә  һәр ойошма яуаплы ҡарай”.
Һабантуйҙы ойоштороусылар милли көрәш һәм ат сабыштарында ҡатнашырға теләүселәрҙән ғаризалар көтө һәм бөтәһен дә Свердловск өлкәһендә үтәсәк һабантуйға саҡыра.