Свердловск өлкәһендә Башҡорт мәҙәниәте һәм мәғарифы көндәре сиктәрендә онлайн-саралар уҙғарыла. Унда Екатеринбург ҡалаһы һәм Свердловск өлкәһе башҡорттары ҡатнаша. Иртәгә “Бөтә донья башҡорттары ҡоролтайы” йәмәғәт берләшмәләре халыҡ-ара берлеге, Башҡортостандың рәсми вәкилдәре ҡатнашлығында түңәрәк өҫтәл ойоштора.
Ғалимдар Урал арьяғы һәм Урта Урал башҡорттары тарихы, башҡорт этногенезы мәсьәләләре буйынса сығыш яһай. Бынан тыш төрлө төбәк башҡорттары вәкилдәре менән онлайн-осрашыуҙар ҙа үтә.