Быйыл Башҡортостанда сәсәндәрҙең беренсе Бөтә Рәсәй фестивале үтәсәк. БР Мәҙәниәт министрлығынан ошо турала хәбәр итәләр. Мәҙәниәт министры Әминә Шафиҡова әйтеүенсә, конкурста Рәсәй төбәктәре, сит илдәрҙән һүҙ оҫталары, сәсәндәр ҡатнашасаҡ. Сара 2020 йылда беҙҙә үтәсәк Бөтә донья фольклориадаһына әҙерлек сиктәрендә ойошторола.
     Башҡортостанда сәсәнлекте тергеҙеү буйынса эҙмә-эҙлекле эш алып барыла. Миәкә районында "Аҡмулла вариҫтары", Көйөргәҙелә "Шәжәрә байрамы" республика конкурстары уҙғарылды. Сибай сәнғәт колледжына быйылдан халыҡ художество ижады йүнәлеше буйынса 5 студент бюджет нигеҙендә ҡабул ителәсәк. Республика халыҡ ижады үҙәгендә ”Урал батыр” сәсәндәр мәктәбе ойошторолдо.