Ғабдулла Ғабдрахман улы Әхмәтшин 1921 йылдың 4 октябрендә Башҡорт АССР-ы Бишбүләк районының Яңы Биктәш ауылында тыуған.
Ситтән тороп Бәләбәй педучилищеһында уҡыу менән бер рәттән 1938-се йылдарҙа Йәрмәкәй район гәзитендә яуаплы сәркәтип вазифаһын да алып бара.

Бөйөк Ватан һуғышы башланғансы 1939 йылда “Йәш төҙөүсе” республика балалар гәзитенә эшкә саҡыралар. 1941-1942-се йылдарҙа Ғабдулла Ғабдрахман улы Әхмәтшин Черкесс Хәрби – пехота училищеһында уҡый.

1942-се йылдарҙа рота командиры, Украинаны дошмандарҙан азат итеү бәрелешендә ҡаты яралар алыуға дусар була.

1953-се йылда М.Горький исемендәге Әҙәбиәт институтын тамамлай.
 1946—1973 йй. «Совет Башкортостаны» газетаһында, “Һәнәк” журналында бүлек мөдире булып эшләй. Ун йыл дауамында Башҡорт АССР-ы Яҙыусылар Союзының драматургтар секцияһын етәкләй.

Беренсе «Октябрь» шиғыры 1937 йылда донъя күрә.
 Ә 1948-се йылдарҙа “Талъян гармун” музыкаль комедияһын, “Юғалған хаттар” драмаларын яҙа. Ике пьеса ла ҙур уңыш менән Башҡорт дәүләт академия драма театры һәм республиканың ижад коллективтары сәхнәләрендә ҡуйыла.

Оҫта тәржемәсе булараҡ та киң билдәле шәхес Максим Горький, Иван Тургенев, Антон Чехов әҫәрҙәрен башҡорт теленә тәржемә итә.

Гүзәл Багаева