“Тамыр" балалар телеканалы хәбәр итеүенсә, "Умырзая" фильм-әкиәте "ТЭФИ-Төбәк" Бөтә Рәсәй конкурсының финалына сыҡҡан. Бөтәһе 12 номинация билдәләнгән, һәр береһендә өс проект һайлап алынған. Статуэткалар хужалары декабрҙә билдәле буласаҡ.
"Тамыр" телеканалары директоры Гөлназ Ҡолһарина әйтеүенсә, телевидение шарттарында әкиәт төшөрөү бөтә коллективтан ҙур көс талап иткән үтә ҡатмарлы эш булып тора. Башҡортостанда тәүге бронза "Орфей" статуэткаһы 2004 йылда шулай уҡ балалар әкиәте өсөн тапшырылғайны.
Иҫегеҙгә төшөрөп үтәйек, федераль конкурста "Тамыр" телеканаланың "Ҡоралай" фильмы еңеп сыҡҡайны.