Ағымдағы йылдың 6-8 апрель көндәрендә Өфөлә «Алһыу ҡаплан» XXII халыҡ-ара джаз фестивале уҙғарыла.
Өфөгә бөтә донъянан музыканттар йыйыласаҡ, күренекле Рәсәй джазмены Игорь Бутман килеүе көтөлә. Фестивалдең беренсе көнөндә джаз-вокалсы Людмила Сваровская, гитарасы Никита Болдырев һәм Башҡорт дәүләт филармонияһы Биг-бэнды сығыш яһаясаҡ.
Көн хедлайнеры – Американан танылған джаз борғосоһо Джон Маршалл. Икенсе көн хэдлайнерҙары – Италиянан күренекле джазмендар Грета Панеттьери (вокал) һәм Андреа Саммартино (фортепиано). Фестивалдең һуңғы көнөндә Рәсәйҙең күренекле джазмены – саксофонда, пианинола уйнайсы, бэнд-лидер, композитор, продюсер, джаз фестивалдәре ойоштороусыһы һәм Butman Music Рәсәй-Америка джаз лейблы хужаһы Рәсәйҙең халыҡ артисы Игорь Бутмандың сығышы көтөлә.