Өфөлә 16 октябрь көнө Республика балалар анимация фестивале «Йәнһүрәт» — «Живые картинки» конкурсын йомғаҡлау, еңеүселәрҙе билдәләү тантанаһы үтәсәк.

Республикабыҙҙың барлыҡ балалар студияһы ҡатнашлығында уҙғарылған был фестиваль “Родина” кинотеатрында үтәсәк.
Фестиваль Хеҙмәт һәм халыҡты социаль яҡтан тәьмин итеү министрлығының коммерцияһыҙ ойошмалар өсөн бүленгән субсидияға ярашлы уҙғарыла.

Фестивалдең ойоштороусылары – Республиканың киноматографистар Союзы, “Башҡортостан” киностудияһы һәм “Родина” кинотеатры.

Конкурс һөҙөмтәләрен профессиональ жюри ағзалары баһалаясаҡ: жюри рәйесе, рәссам, анимациялы фильмдар режиссеры - Айгөл Байрамғолова; сценаристар һәм режиссерҙар Анна Мальгинова, Елена Юшкова; анимация рәссамы Мария Русских; композитор Владислав Савватеев. Конкурсҡа 80-гә яҡын эш тәҡдим ителһә, шуның 48-е һайлап алынған.

Бүләкләү тантанаһынан тыш, кинотеатрҙың фойеһында байрам программаһы ла ойоштороу ҡаралған. Шулай уҡ “Латифа” балалар студияһы йәш таланттар һүрәттәренән күргәҙмә лә ойоштороласаҡ.

Сараға инеү бушлай. Башлана 14.00

Гүзәл Багаева